Интерпол: 20 уапсени во 12 земји за поседување детска порнографија

Глобалната полициска организација Интерпол денес соопшти дека 20 лица се уапсени во Европа и Америка, по прекугранична операција во 12 земји насочена кон материјал за сексуална злоупотреба на деца.

Операцијата, предводена од шпанската полиција, започна кон крајот на минатата година откако полицајците идентификуваа групи за пораки каде што сторителите споделувале слики од сексуална злоупотреба на деца, објави АП.

„Шпанските власти уапсија седум осомничени, вклучувајќи здравствен работник и наставник“, соопшти Интерпол.