На натпреварот од третата лига на Австралија Викторија помеѓу Белите орли и Норт Саншајн, се случил тежок инцидент во кој албански навивачи нападнале српски.
Во Австралија е дозволено присуство на гледачи на натпревари, натпреварот завршил со резултат 3:3, а останал во сенка на она што се случуваше на трибините.
Во нападот на навивачите, едно момче меѓу приврзаниците на српскиот клуб било тешко повредено, додека неколку други биле полесно повредени, а направена била и значителна материјална штета на паркингот на клубот.
Во неколку наврати, приврзаниците на Норт Саншајн провоцирале извикувајќи „Косово е Албанија“, како и други пароли и навреди. За време на натпреварот, се наведува, навивачите на Белите орли не наседнале на провокациите и биле избегнати поголеми инциденти.
После натпреварот следела размена на навреди, при што Албанците започнале да фрлаат камења кон секторот каде што биле српските навивачи.
„Момче го загуби видот за момент и очигледно беше удрен со голем камен. Го одведовме за да му се укаже помош и за среќа успешно се опоравува “, изјави претседателот на Орлите, Далибор Шаула, за порталот „Вести“.
Раководството на Белите орли предвидело дека може да има инцидент, па го контактирале ривалот уште пред натпреварот.
„Сакавме да се осигураме дека тие ќе комуницираат со своите фанови и ќе го свртат вниманието на нивното однесување. Исто така, контактиравме со полицијата и ги предупредивме дека ова може да биде натпревар од висок ризик. Од таа причина, ангажиравме трипати повеќе редари отколку во другите натпревари“, рекол Шаула.
Disgraceful scenes have been reported following tonight's NPL 3 fixture between Springvale White Eagles & North Sunshine Eagles at Serbian Sports Centre.
They were disgraceful throwing stuff both sets of fans towards each other & the cops had turned up at Serbian Sports Centre. pic.twitter.com/e4dQ8qDDqA
— Brenton Ray (@brentonrkaring) April 16, 2021
Навивачите биле физички разделени, па гостите први го напуштиле стадионот за да се избегнат инциденти по натпреварот.
„Ги презедовме апсолутно сите мерки на претпазливост, но очигледно е дека некои луѓе сè уште треба да се едуцираат и да се учи дека таквото асоцијално однесување едноставно не може да помине повеќе. Ова е единствениот натпревар со висок ризик што го имаме оваа сезона, бидејќи сите други ривали и нивните навивачи ги почитуваат своите ривали“, покажа Шаула со прст кон Норт Саншајн.
Полицијата била на натпреварот, направила извештај и се очекува драконска казна за Норт Саншајн, бидејќи сè дошло до Фудбалскиот сојуз на Викторија.