ИНЦИДЕНТ ВО ЗЕЛЕНАТА ЗОНА: Силна експлозија одекна во центарот на Багдад

Силна експлозија одекна во центарот на Багдад, јави денеска ТВ каналот Алсумари.

Според  телевизијата, инцидентот се случил во близина на областа Ал Карада во таканаречената Зелена зона, која е строго чувана како дипломатска и владина област во Багдад, пренесе агенцијата Тас.

Се уште не се достапни детали за инцидентот, додава руската агенција. Ирачкиот премиер Мустафа ал Кадими не е повреден во синоќешниот напад со дрон врз неговата резиденција во Багдад, соопшти претходно денеска ирачката армија. Резиденцијата на Кадими се наоѓа и во добро утврдената Зелена зона во Багдад, а засега никој не ја презел одговорноста за нападот.