Бугарија му даде азил на Ирачанец осуден на смрт во својата држава поради тоа што е хомосексуалец. Веќе пет месеци 24-годишниот Адам е во Бугарија. Ги преминал границите и го оставил семејството и професијата, за да најде нов живот таму, зошто се чувствува безбедно.
“Имав голем проблем, бев нападнат од исламска група заради мојата сексуална ориентација. Според религијата луѓе како мене треба да бидат убивани “, раскажа тој за бугарските медиуми и додава:” Јас имам смртна казна, јас сум криминалец, ако сум свој, ако сум хомосексуалец “.
” Кога доаѓа ИСИС, напааѓа многу хомосексуалци. Им ги врзуваат рацете и нозете со јажиња и ги фрлаат од високи згради “, раскажа тој.
Адам има диплома по стоматологија.
“Главно гледав да учам, наместо да излегувам со пријателите, бидејќи немав такви. Затоа сум среќен што ги имам тука во Бугарија”, изјави тој.