Американскиот Стејт департмент соопшти дека законот усвоен од ирачкиот парламент во саботата, кој ги криминализира истополовите врски, ги загрозува човековите права и слободи и ќе ја ослабне способноста на Ирак да ја диверзифицира својата економија и да привлече странски инвестиции.
„Овој амандман им се заканува на оние кои се најзагрозени во ирачкото општество. Може да се користи за да се меша во слободата на говорот и изразувањето и да се спречи работата на невладините организации низ Ирак“, се вели во соопштението на Стејт департментот.
Ирачкиот парламент во саботата усвои закон за криминализирање на истополовите врски со максимална затворска казна од 15 години, велејќи дека тој има за цел да ги поддржува верските вредности. Застапниците на правата го осудија законот како најнов напад врз ЛГБТ заедницата во Ирак, пренесува „N1“.