Иран исклучи две камери на Меѓународната агенција за атомска енергија во свој објект

Иран денеска отстрани две надзорни камери на Меѓународната агенција за атомска енергија (ИАЕА) од еден од своите нуклеарни постројки и со тоа ги зголеми тензиите со агенцијата за надзор на Обединетите нации, пренесе „Ројтерс“.

„Досега, ИАЕА не само што беше неблагодарна за нашата широка соработка, туку го сметаше тоа и за должност на Иран. Властите наредија да се исклучат онлајн надзорните камери насочени кон збогатување ураниум (ОЛЕМ) од денеска“, соопшти иранската државна телевизија.