Претставникот на Иран во ОН, Амир Саид Иравани, рече дека неговата земја не била вклучена во никакви акции или напади против американските воени сили, објави иранската полуофицијална новинска агенција Тасним.
Соединетите Држави ги обвинија јеменските Хути поддржани од Иран дека извршиле серија напади во водите на Блискиот Исток откако изби војната на 7 октомври меѓу Израел и палестинската милитантна група Хамас.
На брифингот со новинарите во понеделникот, американскиот советник за национална безбедност Џејк Саливан рече дека Вашингтон има „силни причини да верува дека овие напади, иако ги извршиле јеменските Хути, биле целосно овозможени од Иран“.
Три комерцијални бродови беа нападнати во меѓународните води во јужниот дел на Црвеното Море во неделата. Хутите признаа дека нападите ги извршиле со дронови и проектили, тврдејќи дека станува збор за два израелски брода.
Американскиот разурнувач Carney соборил три дрона во неделата откако побара помош од три комерцијални бродови. Американската војска вели дека бродовите се поврзани со четиринаесет различни земји.