Може ли Трамп да го убеди Нетанјаху да ги запре нападите врз Иран? Иранскиот министер за надворешни работи, Абас Арагчи, верува дека може.
Во објава на социјалните мрежи, Арагчи рече дека ако американскиот претседател Доналд Трамп „сериозно размислува за дипломатија“ и сака да ги запре конфликтите, „само еден телефонски повик од Вашингтон е доволен за да замолчи некого како Нетанјаху“.
Ги предупреди САД да не влегуваат во конфликтот
Тој, исто така, предупреди дека вклучувањето на САД во насилство ќе уништи секоја шанса за договорено решение.
Порано денес, Трамп одби да одговори на прашањето што би ги натерало САД воено да се вклучат во конфликтот.
Во посебно соопштение, портпаролот на иранското Министерство за надворешни работи, Есмаил Бакаеи, го повика Советот за безбедност на ООН итно да реагира, откако Израел го бомбардираше седиштето на иранската државна телевизија. Израел тврдеше дека зградата се користи за воени цели, но Бакаеи го нарече нападот „воен злостор“.