Иранската државна новинска агенција ИРНА објави дека Иранскиот претседател Ебрахим Раиси летал со хеликоптер „Bell 212“ од американско производство. Според воениот аналитичар на „Си-ен-ен“, Седрик Лејтон, станува збор за хеликоптер кој веројатно е во служба од 1960-тите.
Тој додаде дека причина за несреќата може да биде набавка на резервни делови, или потешкотии во набавката.
Хеликоптерот најпрвин бил произведуван во САД, а потоа и во Канада.
„Во конкретниот случај, мислам дека проблемите со резервните делови поради санкциите, плус времето кое беше многу лошо во последните неколку дена во овој дел од северозападниот дел на Иран, само придонесоа за несреќата.
Сето тоа, мислам, придонесе за низа инциденти и низа одлуки кои пилотот, а можеби и самиот претседател, ги донел кога се работи за летање со овој авион… И за нивна жал, резултатот е оваа несреќа, изјави тој.
Како корисен хеликоптер, „Bell 212“ е наменет да може да се прилагоди на сите видови ситуации, вклучително и превоз на луѓе, распоредување на воздушна опрема за гасење пожар, транспорт на товар и оружје.