Поради руската агресија кон Украина, ЕУ се откажува од сегашниот принцип – да не им доставува оружје на завојуваните страни. Претседателката на Европската комисија Урсула фон дер Лајен изјави во Брисел дека за прв пат во својата историја, ЕУ ќе финансира набавка и испорака на оружје и воена опрема на „нападната земја“.
„Смртоносно оружје“ и залихи на гориво за украинската армија, заштитна и медицинска опрема треба да се финансираат од фондот за итни случаи, изјави високиот претставник на ЕУ за надворешна политика и безбедност Жозеп Борел.
Според непотврдени медиумски извештаи, ЕУ сака да и стави на располагање на Украина половина милијарда евра – 450 милиони евра за оружје и 50 милиони евра за друга опрема.
Според плановите, парите ќе дојдат од таканаречениот европски фонд за мир. Тоа е нов финансиски инструмент на ЕУ кој може да се користи и за зајакнување на капацитетите на вооружените сили во земјите партнери.
We are stepping up our support for Ukraine.
For the first time, the EU will finance the purchase and delivery of weapons and equipment to a country under attack.
We are also strengthening our sanctions against the Kremlin.
https://t.co/qEBICNxYa1— Ursula von der Leyen (@vonderleyen) February 27, 2022