Историски триумф за Биндер и КТМ на патеката во Брно

Јужноафриканецот Бред Биндер, возачот на КТМ, победи на трка во Мото ГП во Брно, трета за оваа сезона.

Тоа беше првиот историски триумф за КТМ во кралската класа, а исто така и прв за Биндер.

Второто место го освои италијанецот Франко Морбидели со Петронас Јамаха, кој стигна до првиот подиум во кариерата со малку повеќе од 5 секунди заостанување, додека на третото место беше возачот на Авинтија, Французинот Жоан Зарко.

Алекс Ринс, Валентино Роси, Мигел Оливеира, Фабио Квартаро, Такаки Накагами, Алеиш Еспаргаро и Џек Милер исто така завршија во Топ 10.

Италијанецот Андреа Довициозо, член на тимот на Дукати, ја заврши трката на 11-то место со повеќе од 16 секунди зад победникот.