Полицијата во Фергусон, Мисури, редовно пројавувала расизам и пишувала казни како извор на приходи за градот , пишува АФП.
Ова го изјави министерот за правда Ерик Холдер. Тој го осуди кршењето на уставот, кое стана рутина за властите во градот и се претвори во арена на расни судири по убиството на млади црнец од полицаец.
Министерот претстави пред јавноста два извештаји на своето министерство, едниот е за смртта на 18-годишниот невооружен младина Мајкл Браун.
Тој беше убиен на 9 август 2014 година од страна на полицаец. Другиот е за полициските практики во овој град. Резултатите беа многу очекувани од општеството – настаните во Фергусон, на позадината на лошите полициски практики и прекршоци, со месеци ги Подигнуваа тензиите меѓу афроамериканската заедница и борците за граѓански права. Првиот извештај заклучи дека смртта на Мајкл Браун иако е трагична, не покажува однесување од страна на полицаецот Дарен Вилијамс што да може да биде нападнато во судот.
Вториот извештај сепак набројува полициски практики, насочени главно против црнци, кои се недозволиви, а единственото објаснување е дека станува збор за расистички предрасуди, рече министерот, кој исто така е црнец. Во извештајот од 105 страници се наведува дека 67% од населението на Фергусон, се врнци. За периодот 2012 – 2014 година 85% од застанатите од полицијата за проверка автомобили биле возени од црнци. 93% од уапсените и 94% од отпорот да се потчинат на полицијата се на црнци. Црнците се двапати почесто претресувани при проверки на автомобилите, а полициските кучиња биле користени исклучиво само против црнци.
Во извештајот се вели исто дека полицијата, под притисок на општината, веќе не била во служба на општеството, туку средство за правење пари. Сметки за парични казни за неважни нарушувања биле делени постојано, почесто на црнци. Кога не биле плаќани во рокот се трупале камати и воделе до зголемување на задолженоста, понекогаш затвор или губење на работата или живеалиштето. Полицајците се тркале за тоа кој ќе собере повеќе парични казни. Тие самите биле санкционирани ако не исполнувале квоти.