Една мала прелиминарна лабораториска студија покажа дека нивоата на неутрализирачки антитела кај луѓето инфицирани со варијанта на коронавирус „омикрон“ кои биле вакцинирани со руската вакцина „Спутник V“ не се намалиле како кај оние кои примиле вакцини „Фајзер“.
Заедничко руско-италијанско истражување, финансирано од рускиот фонд за директни инвестиции, кој го продава „Спутник V“ во странство, ги спореди крвните серуми на луѓе кои примиле различни вакцини.
Прелиминарните истражувања го спроведоа научници од институтот „Spallanzani“ во Италија и институтот „Гамалеј“ во Москва, кој го разви Спутник V.
Истражувачите рекоа дека примероците земени три до шест месеци по примањето на втората доза од вакцината покажале дека нивоата на антитела кај луѓето кои примиле две дози „Спутник V“ биле поотпорни на „омикрон“ отколку кај оние кои биле вакцинирани со вакцината „Фајзер“.
Студијата опфатила 51 лице вакцинирани со Спутник V и 17 луѓе кои примиле две дози од вакцината „Фајзер“.
Потребата од трета, „бустер“ доза на вакцината е очигледна денес, според студијата објавена на 19 јануари.
Студијата, која сè уште треба да се ревидира, покажа дека неутрализирачките антитела на „омикрон“ биле откриени во серумот на 74,2 отсто од испитаниците вакцинирани со Sputnik V и 56,9 отсто од оние кои биле вакцинирани со вакцини развиени од „Фајзер“ / „Бајонтек“.
Претходната прелиминарна студија на Институтот „Гамалеј“ покажа дека зголемената доза на „Спутник Лајт“ обезбедува посилен имунолошки одговор во форма на анти-омикронски антитела отколку само две дози на „Спутник V“.
Ширењето на „омикрон“ варијантата на коронавирусот во Русија само што започна. Во вторникот беа потврдени 38.850 новозаразени, наспроти 33.899 претходниот ден.
Повеќе од 1.600 случаи на инфекција со „омикрон“ се официјално потврдени.