Една туристка од Италија која минатиот месец престојувала во Загреб, се врати дома побогата за речиси 174.000 евра. Среќата ѝ се насмевна благодарение на Евроџекпот, а среќниот билет го купила на улицата Опоровечка во хрватската престолнина.
Како страствена љубителка на оваа игра на среќа, таа не пропушта ниедно коло – дури ни додека е на одмор. Овојпат, наместо да ги избере броевите самата, се одлучила за опцијата QuickPick, односно автоматски избор на броеви. Тоа се покажа како добитна комбинација.
Добивката од 173.968,60 евра ѝ припаѓа од 35-тото коло, кое се одигра на 2 мај. Од Хрватската лотарија велат дека по извесен период на неизвесност конечно го пронашле добитникот, кој се појавил со своето семејство во главната канцеларија на лотаријата. Синот и ќерката ѝ помогнале во комуникацијата со вработените, а целото семејство било видно расположено и благодарно за топлото добредојде.
„Хрватска е прекрасна земја. Се чувствуваме како дома. А сега, со оваа неочекувана среќа, ќе останеме и малку подолго од планираното“, изјавило семејството.
При заминување, среќната добитничка на италијански рече: „Bella Croazia, bella fortuna!“ (Прекрасна Хрватска, прекрасна среќа!)
Во меѓувреме, од Хрватската лотарија потсетуваат дека вечерва се влечат броевите за 45-тото коло на Евроџекпот, со главна премија од 22 милиони евра, а добивката за погодени 5+1 броеви носи еден милион евра.