По италијанскиот министер за инфраструктура и транспорт, Матео Славини, сега новиот премиер Џорџија Мелони зборуваше за забраната за продажба на нови автомобили на бензин и дизел во Европската унија во 2035 година.
Европската забрана за продажба на автомобили со мотори со внатрешно согорување нема смисла за Италија и е штетна за бизнисот на земјата, изјави премиерот Мелони.
– Тоа не е разумно и мислам дека постои и одредена согласност на другите европски земји со нашиот став – рече Мелони на прес-конференција.
Неодамна, еврокомесарот за внатрешен пазар, Тиери Бретон, рече дека европскиот напор автомобилската индустрија да се префрли исклучиво на електрична енергија претставува ризик за вработувањето и достапноста на возилата, повикувајќи ги производителите да продолжат да произведуваат автомобили со мотори со внатрешно согорување. потсетува „HAK“.
На италијанскиот министер Салвини, одлуката на ЕУ му изгледа бесмислена затоа што, според него, на овој начин Европа би била „врзана со раце и нозе за кинеската диктатура“. Кина го предводи патот во електричната мобилност и е речиси монопол во трговијата со суровини потребни за производство на батерии.
Реагираше и италијанскиот авто клуб (АЦИ), кој го поддржа настапот на премиерот.