Во телефонскиот разговор со неговиот турски колега Мевлут Чавушоглу, американскиот државен секретар Ентони Блинкен изрази сочувство за смртта на турските заложници во северен Ирак и рече дека Вашингтон смета дека за тоа е одговорна Курдистанската работничка партија (ПКК).
Турција во неделата рече дека екстремистите од забранетата ПКК погубиле затвореници, вклучително и турски воен и полициски персонал, објави Ројтерс.
Чавушоглу ја пренесе вознемиреноста на Анкара во врска со неодамнешните најави на САД во првиот телефонски разговор со Блинкен од администрацијата на американскиот претседател Џо Бајден.
Претходно денес, турското Министерство за надворешни работи повика на разговор меѓу американскиот амбасадор во Анкара со цел да му се пренесе најсилната реакција на Турција на американската изјава за убиството на 13 киднапирани Турци.
Соединетите држави соопштија дека ги осудуваат убиствата доколку се потврди дека ПКК е одговорна.
Турскиот претседател Реџеп Таип Ердоган тогаш ги обвини Соединетите држави за поддршка на курдските милитанти и дека американската изјава за осуда по тој повод звучеше како „шега“.