Во недела од 11:00 до 14:00 часот на Спортски Аеродром „Аџи Tепе“ во Куманово ќе се одржи изложба и презентација на воени возила и опрема Air/Ground Static Display, во организација на Армијата на Република Северна Македонија, со поддршка од Општина Куманово.
Настанот е од отворен тип за посетители, и сите граѓани можат да дојдат на Спортскиот Аеродром “Аџи Тепе” во Куманово и непосредно да разгледаат интересна воена опрема и воздухоплови, меѓу кои: CH 47 (Chinook), AH 64 (Apache), MI 8-17, UH 60 ( Black Hawk),Хамви со митралез 50 калибар, Хамви со фрлач на гранати Mk19 40mm, Амбулантно возило, Хамви со минофрлач 120мм, Хармелин, JLTV, Оклопно возило кобра , АБХО возило – форд, Падобранска опрема, Алпинистичка опрема, Нуркачка опрема, АБХО опрема и друга опрема.
На настанот ќе бидат изложени цртежи на учениците од средните општински училишта кои што цртаа за оваа пригода, а за музиката ќе биде задолжен оркестарот “Синфониум” при Гимназија “Гоце Делчев”.