Од 10-ти мај палестинските радикали од појасот Газа истрелале околу 3.100 ракети кон Израел, а 1.210 биле соборени, соопшти денеска Министерството за одбрана на Израел. Од ескалацијата на судирите во понеделникот, најмалку 148 лица се убиени во Газа, од кои 41 дете. Израел пријави десет мртви, од кои две деца.
„Хамас и Исламскиот џихад испукаа 3.100 ракети од Газа во изминатите седум дена. Ова е најголемиот број ракети со Израел се сретнал во историјата“, се наведува во изјавата пренесена од ТАС С.
Hamas and Islamic Jihad have fired 3,100 rockets from Gaza in the past 7 days. That's the highest daily rate of rocket fire that Israel has faced in the history of the country.
The threat is real. Millions of Israelis are living under fire. We will continue to defend ourselves.
— Israel Defense Forces (@IDF) May 16, 2021
Министерството за одбрана на Израел додаде дека 450 проектили се срушиле во Газа, а 1.210 проектили биле пресретнати од системот за противвоздушна одбрана „Железна завеса“.
Поранешниот израелски министер за одбрана Нафтали Бенет исктана дека Израел, а не Хамас, ќе одлучи кога ќе ги прекине воените операции. Тој додал дека „Израел ќе продолжи со операциите се додека не биде завршена работата“.
Бенет, лидер на десничарската партија Јамина, за Би-Би-Си изјави дека сегашните жртви се директен резултат на одлуката на Хамас да започне конфликт.