Регион

Израел ја гранатира Газа: Срушена Националната банка, авијацијата ги ракетира симболите на Хамас! (ВИДЕО)

од Nikola Popovski
182 прегледи

Израелските борбени авиони продолжија да таргетираат бројни цели во Газа, а според последните извештаи, уништена е и Исламската народна банка.

Да потсетиме, израелските сили претходно ја демолираа кулата „Ал Шурук“ во Газа, откако преходно неколку пати ги предупредувале жителите да заминат.

Тоа е најголемата висококатница во Газа, а израелските медиуми потсетуваат дека е трета висококатница што Израел ја сруши од понеделникот вечерта, кога започна конфликтот со исламската Хамас, која владее со појасот Газа.

Израел тврди дека канцелариите на командантите на палестинските екстремистички организации се наоѓаат во таквите згради.

Според извештаите од социјалните мрежи, мета била и џамијата во градот Ал Лидо, како и куќите во Бејт Ханун во Газа.

Откако беше уништена кулата Ал-Шурук, Хамас возврати со голем број ракети кон Израел.

Бран насилство и конфликти ги зафати еврејското и арапското население. По Ерусалим и Лода, на ред биле и Хаифа и Тел Авив.

Грдите сцени на кршење продавници, палење автомобили, тепачки станаа секојдневие втор ден по ред. Како што ракетните напади се зголемуваат, така се зголемува и насилството.

Досега, најмалку 56 лица се убиени во нападите во Газа, од кои 14 деца, а над 330 се повредени.

Од друга страна, израелскиот ТВ-канал 12 објави дека од Газа биле испукани најмалку околу 1.200 ракети, а дека најмалку 200 не прелетале преку граничната ограда, туку паднале на палестинска територија.

Израелската војска соопшти дека системот за противракетна одбрана „Железна купола“ пресретнал 85 до 95 проценти од ракетите истрелани врз станбените области.

Најмалку седум лица билеубиени од израелска страна, од кои три жени, две деца и еден војник.