Израелска армија: Во последните 24 часа се извршени три големи брана на напади врз Иран, третиот бран започна

Израелските одбранбени сили (ИДФ) објавија дека во последните 24 часа, Израел извршил три големи бранови напади врз Иран.

Според нивните изјави, првиот бран се случил во текот на ноќта, а израелските воени авиони погодиле околу 40 цели во областа на Техеран, вклучувајќи објект за производство на центрифуги за збогатување на ураниум.

Вториот бран напади започнал попладнево, а целите биле воени и безбедносни локации, вкупно 20 од нив, исто така во областа на Техеран.

Третиот бран започнал „пред кратко време“ и е насочен кон западен Иран.

ИДФ вели дека авионите ги таргетираат оперативците кои се обидуваат повторно да пристапат до веќе погодени локации и да отстранат муниција од тие локации.