Над 250 камиони со помош влегле во Појасот Газа денеска, соопшти израелската војска, три дена откако почна да го зголемува протокот на залихи во загрозената палестинска територија поради извештаите за непосреден глад.
„Дополнителни 260 камиони влегоа во Газа и сега чекаат собирање и дистрибуција, заедно со стотици други кои сè уште чекаат во ред за преземање од ОН“, напиша на X, израелскиот воен орган одговорен за одобрување и координирање на транспортот на помош ЦОГАТ (COGAT).
Вчера повеќе од 200 камиони со залихи влегоа во затворената крајбрежна област. Но голем дел од помошта што пристигнува, беше уништен од Израелци – цивили, кои ја газеа и кинеа храната, велејќи дека целата помош оди за борците на Хамас.
“We Are Here To Block Them”
“This time we managed to destroy all the food”
“No food should go into Gaza”
—Israelis block aid to Gaza. I’m speechless pic.twitter.com/2adKt1t7hN
— The Resonance (@Partisan_12) July 28, 2025
Израел дозволи големи испораки на помош во Газа за прв пат по неколку месеци во неделата, најавувајќи дневни „хуманитарни“ паузи во борбите во три области во Појасот за да им се овозможи на конвоите со помош безбедно да стигнат до цивилите.
Се вели дека повеќе од 100 луѓе починале од неухранетост откако Израел започна сериозно да го ограничува приливот на помош во март.