Израелските трупи влегле во појасот Газа како дел од тековната воена операција против палестинското исламистичко движење Хамас, соопшти синоќа израелската војска.
„Израелските воздушни сили и копнените трупи изведуваат напад во појасот Газа“, соопштила армијата во кратката порака.
Според израелски „Хаарец“, акцијата започнала 20-тина минути по полноќ по локално време.
IDF air and ground troops are currently attacking in the Gaza Strip.
— Israel Defense Forces (@IDF) May 13, 2021
Одговарајќи на прашање на АФП, портпаролот на армијата Џонатан Конрикус потврдил дека израелски војници влегле во палестинската енклава.
Израелскиот премиер Нетанјаху изјави дека Хамас ќе плати „многу висока цена“ за своите постапки.
„Ќе продолжиме да го правиме она што го правиме со голем интензитет. Сè уште не е кажан последниот збор и оваа операција ќе продолжи се додека е тоа потребно“, рекол Нетанјаху.
Околу полноќ по локално време, Хамас одговори со истрелување неколку ракети кон јужен Израел. Градот Бершеба беше најтешко погоден.