Израелски функционер: Израел на никаков начин не е вмешан во смртта на иранскиот претседател Ебрахим Раиси

од Milan1

Израел на никаков начин не е вмешан во смртта на иранскиот претседател Ебрахим Раиси и неговиот министер за надворешни работи Хосеин Амир Абдолахиан, изјави израелски претставник за новинската агенција „Ројтерс“.

„Тоа не бевме ние“, рече функционерот, кој сакаше да остане анонимен.

Во моментов сè укажува дека хеликоптерот се урнал поради лошите временски услови и слабата видливост, додава Ројтерс и објаснува: Иран и Израел се долгогодишни непријатели, а Израел силно се противи на развојот на нуклеарната програма на Техеран.

Иран, во различен степен, поддржал, финансирал и обучувал неколку групи низ регионот на Блискиот Исток, вклучувајќи ги Хамас во Газа, Хутите во Јемен, Хезболах во Либан и бројни други фракции со седиште во Сирија и Ирак.

Израел ретко официјално ги коментира своите активности надвор од своите граници, кои во последните месеци вклучуваат напади во Либан, Сирија и Иран.

Слични содржини