Среде пресметката меѓу Израел и Хамас, видеото од конфронтација во живо меѓу арапски новинар и израелски полицаец стана вирално на социјалните мрежи во неделата.
На 7 октомври Хамас го изврши најсмртоносниот палестински напад врз Израел во историјата. Израел потоа изврши жестоки воздушни напади врз Газа.
До недела, повеќе од 1.300 луѓе беа убиени во Израел. Во Газа загинаа повеќе од 2.300 луѓе. Многу новинари, вклучително и локални и странски дописници, се на терен и известуваат за настаните меѓу Израел и Хамас.
Во објава на X, Ал Араби ТВ, информативна веб-страница и телевизиска мрежа која нуди мултимедијално покривање на арапските и меѓународните прашања, сподели видео на кое се гледа еден од нејзините известувачи, Ахмед Даравш, во живо додека се соочува со вооружен израелски полицаец.
„Вооружен израелски полицаец му се заканува на дописникот на Ал-Араби, Ахмед Даравша во живо во етер“, објави ТВ Ал Араби на Твитер.
شرطي إسرائيلي مسلح يهدد مراسل العربي أحمد دراوشة على الهواء مباشرة@AhDarawsha pic.twitter.com/cZRbc49FtL
— التلفزيون العربي (@AlarabyTV) October 15, 2023
„Њузвик“ не можеше да потврди дали мажот е полицаец или само член на обезбедувањето и дали е вооружен. Според преведеното видео, кое имало повеќе од 575.000 прегледи до недела навечер, човекот го прекинува репортерот со изјавата дека „кажува добри работи“.
Набргу по пресметката Даравша пред камери изјави: „Израелската полиција гледа што зборуваме, ми дојде полицаец кој врескаше и ми се закануваше“. Во исто време, човекот продолжува да го прекинува преносот во живо велејќи: „Одвратно! Ќе ја претвориме Газа во прашина!
Судирот со новинарот се случил откако израелска граната паднала во петокот меѓу странските новинари кои известувале за судирите на границата во јужен Либан, при што загинал снимател на Ројтерс, а биле повредени уште шестмина новинари. Гранатирањето се случи за време на размена на оган долж либанско-израелската граница меѓу израелските војници и членовите на либанската група Хезболах.
„Длабоко со тага објавуваме дека нашиот снимател Исам Абдалах е убиен. Итно бараме повеќе информации, работиме со властите во регионот и го поддржуваме семејството и колегите на Исам“, се вели во соопштението на Ројтерс.
Како одговор на смртта на Абдалах, според Ројтерс, постојаниот амбасадор на Израел во Обединетите нации (ОН) Гилад Ердан на брифинг во петокот рече: „Очигледно ние никогаш не сакаме да нападнеме и убиеме кој било новинар кој ја врши својата работа. Но, знаете, ние сме во воена состојба, може да се случат разни работи“.