Член на израелскиот парламент и претставник на радикално десничарската ционистичка партија, Цви Сукот изјави во живо во телевизиска емисија дека Израел убил повеќе од сто жители на Газа во текот на ноќта и дека никому не му е гајле.
За време на дебатата на израелскиот „Канал 12“ со коментаторот Хаим Левинсон, Сукот рекол дека израелските безбедносни сили се способни да дејствуваат на повеќе фронтови одеднаш и да користат сила што „не можел ни да ја замисли“ кога беше формирана оваа влада пред повеќе од две години.
Zvi Sukkot, parlamentare israeliano celebra l’indifferenza occidentale al GENOCIDIO coloniale.
“La scorsa notte sono stati uccisi 100 palestinesi, tutti si sono abituati al fatto che 100 palestinesi possono essere uccisi in 24ore e non importa a nessuno”.pic.twitter.com/jqC0vIaHra— Rula Jebreal (@rulajebreal) May 17, 2025
„Речиси 100 жители на Газа беа убиени синоќа. А прашањето што ми го поставивте нема никаква врска со Газа. Дали знаете зошто? Затоа што никому не му е гајле. Сите веќе се навикнати на фактот дека, среде војна, можеме да убиеме 100 луѓе во Газа за една ноќ, а никому не му е гајле“, истакнал Сукот, очигледно алудирајќи на фактот дека настаните од војната, кои некогаш предизвикаа големо внимание во Израел и во светот, денес минуваат речиси без реакција, пренесе „Тајмс оф Израел“.