Израелскиот министер за финансии, Безалел Смотрич, изјави дека Израел нема да се откаже од населувањето во Појасот Газа и рече дека сите активности на тоа поле ќе продолжат.
За време на контроверзниот собир на таканаречениот Марш на знамето, израелските десничарски политичари и поддржувачи се собраа во Стариот град на Ерусалим каде што извикуваа слогани како „Смрт за Арапите“ и „Нека вашите села горат“.
По тој повод, изјава даде и израелскиот министер за финансии, кој рече дека Израел повеќе не се плаши од зборот окупација.
„Дали се плашиме од победа? Дали се плашиме од зборот окупација? Не. Ја освојуваме и ја населуваме земјата Израел, ја ослободуваме Газа, ја населуваме Газа и го победуваме непријателот“, им рече Смотрич на насобраните.
Тој, исто така, најави дека ќе го обнови Храмот во областа на џамијата Ал-Акса во Ерусалим.
„Со Божја помош, ќе ги прошириме границите на Израел, ќе постигнеме целосно „откупување“ и ќе го обновиме Храмот тука“, рече Смотрих пред насобраната толпа во Ерусалим.