201
Денеска во Нагасаки се одржа церемонија во чест на жртвите од американскиот нуклеарен напад врз Јапонија пред 77 години, во кој загинаа повеќе од 70.000 луѓе, пренесува АП.
Присутните, вклучително и дипломати од нуклеарните сили, одржаа едноминутно молчење во 11:02 часот, моментот кога атомската бомба експлодираше над јужниот јапонски град на 9 август 1945 година.
Градоначалникот на Нагасаки, Томихиса Тауе, во своето обраќање во Паркот на мирот рече дека нуклеарното оружје може да се користи се додека постои, а неговото елиминирање е единствениот начин да се спаси иднината на човештвото.