Јапонија започна да испушта прочистена радиоактивна вода од Фукушима во океанот

Јапонија денеска почна да испушта прочистена радиоактивна вода од уништената нуклеарна централа Фукушима во Тихиот Океан, потег што Кина уште еднаш остро го критикуваше, нарекувајќи го „себичен и неодговорен“.

Испуштањето, кое беше одобрено пред две години од јапонската влада и доби зелено светло од Агенцијата за атомска енергија на Обединетите нации, е клучен чекор во долгиот и тежок процес на деактивирање на нуклеарната централа Фукушима Даичи.

Компанијата Tokyo Electric Power (Tepco), која управува со централата, соопшти дека ослободувањето започнало во 13:03 часот по локално време и дека не откриле неправилности со пумпата или околните објекти.