Јапонија, позната по својата врвна технологија и иновации, претстави гаџет што би можел да го промени начинот на кој го доживуваме вкусот на храната и во исто време да го подобри нашето здравје. Станува збор за специјална електрична лажица за сол, уред кој користи електрични сигнали за да го стимулира сетилото за вкус, создавајќи чувство на соленост без потреба од додавање вистинска сол во оброците.
Оваа револуционерна технологија користи електрични сигнали за да ги стимулира рецепторите на јазикот, создавајќи чувство на соленост дури и кога лажицата е целосно без сол.
Овој уред е особено корисен за луѓето кои боледуваат од хипертензија, срцеви и бубрежни заболувања, како и за оние кои сакаат да прифатат поздрав начин на исхрана и од здравствени причини да го намалат внесот на натриум, а притоа да уживаат во вкусот на омилената солена храна, објави „Инкомфакт“.
Кога корисникот користи лажица за да стави храна во устата, електричните сигнали го „измамуваат“ сетилото за вкус и мозокот ја толкува храната како посолена отколку што всушност е. Технологијата се заснова на принципот на електростимулација, што овозможува одредени области на јазикот да станат почувствителни на вкусот на натриумот, дури и кога тој не е присутен во храната.