Новата претседателка на Долниот дом на францускиот парламент, за првпат жена која ќе ја извршува таа функција, енергично застана во одбрана на правото на абортус.
Таа ги повика пратениците да бидат „будни“.
Француското национално собрание во вторникот ја избра Жаел Брон-Пиве за претседателка на Долниот дом на својата прва седница, откако партијата на претседателот Емануел Макрон го загуби мнозинството на неодамнешните избори, што им даде нов политички поттик на екстремно десничарските и екстремно левичарските партии.
Брон-Пиве е член на центристичката алијанса на Макрон, Заедно, која сè уште има најмногу места во собранието, но не доволно за лесно и удобно усвојување на законот.
Таа е поранешен член на Социјалистичката партија, која се приклучи на партијата на Макрон во 2016 година.
„Французите очекуваат да работиме заедно, да расправаме, а не да се бориме едни против други. Оние кои не избраа, без разлика на нашите разлики, очекуваат да бидеме одговорни во ова собрание, кое е лицето на Франција“, порача Брон-Пиве.