Јавното обвинителство проверува дали има саботажа во случајот со хируршките сали

Државниот јавен обвинител Љупчо Коцевски во интервју за „360 степени“ на Македонската телевизија, изјави дека се проверува дали евентуално е сторено кривичното дело диверзија или саботажа во случајот со хируршките сали во Клиничкиот центар.

– Јавното обвинителство, постапувајќи по известување на министерот за здравство, има оформено предмет при што отпочнат е процес за да се утврди дали постои кривично дело во случајот со двонеделното неработење на хируршките сали во Клиничкиот центар „Мајка Тереза“ во Скопје, изјави Коцевски.