Јелен е сериозно загрижена за „злонамерните“ сајбер активности на Кина

Американскиот министер за финансии Џенет Јелен разговараше со кинескиот потпретседател Хе Лифенг и рече дека е загрижена поради „злонамерните сајбер активности“ извршени од кинески хакери.

„Министерката Јелен изрази сериозна загриженост за злонамерните сајбер активности извршени од страна на актери спонзорирани од Кина и нивното влијание врз билатералните односи“, соопшти Министерството, опишувајќи го разговорот како „искрен, длабок и конструктивен“, објави Ројтерс.

Јелен, исто така, ги нагласи „значајните последици“ што ќе ги имаат кинеските компании доколку обезбедат материјална поддршка на руската војна против Украина, се додава во соопштението на Министерството.