Претседателот на Словенечката национална партија, Змаго Јелинчиќ, изјави дека одлуката на словенечката влада да му забрани влез на претседателот на Република Српска, Милорад Додик, во таа земја не го одразува ставот на мнозинството словенечки граѓани кои ја почитуваат и ценат Српска и нејзиниот народ, туку јасно покажува дека надворешните работи се одлучуваат во Брисел, а не во Љубљана.
Јелинчиќ рече дека Словенија има долгогодишни добри и успешни економски односи со Република Српска, како и дека развила пријателски врски.
„Ваквите потези им штетат на традиционално добрите односи меѓу народите и непотребно создаваат тензии таму каде што треба да преовладуваат соработката, меѓусебното почитување и разбирањето“, нагласи Јелинчиќ, додавајќи дека е „изненаден и згрозен од одлуката на словенечката влада“.