МакедонијаПолитикаСлајдер

Јовановски најави подобрување на условите во пензионерскиот дом во Кичево

Во првиот круг, Јовановски освои 44,50 отсто од гласовите, односно 11,682 гласа. Зад него е актуелниот градоначалник, Фатмир Дехари од ДУИ со 21,28 отсто или 5.586 гласа.

од Бисера Трајковска
6 прегледи

Подобрување  на условите во Пензионерскиот дом во Кичево, како и и уредување на речното корито во градот, најави кандидатот за градоначалник на општина Кичево, Александар Јовановски.

Тој посочи дека итно ќе пристапи кон преземање на мерки за да се подобрат условите за живеење во моменталниов пензионерски дом.

-Нашите родители, нашите баби и дедовци се оние кои не израснаа, кои не доведоа во состојба да функционираме самостојно и да бидеме чинители во општеството. Тие се нашиот темел.  Како градоначалник, веднаш ќе пристапам кон решавање на овој горлив проблем и итно ќе пристапам кон преземање на мерки за да се подобрат условите за живеење во моменталниов пензионерски дом, изјави Јовановски.

Инаку, во првиот круг, Јовановски освои 44,50 отсто од гласовите, односно 11,682 гласа. Зад него е актуелниот градоначалник, Фатмир Дехари од ДУИ со 21,28 отсто или 5.586 гласа. Двајцата ќе се соочат во вториот круг на 2 ноември.