Јужна Кореја ја заврши првата недела од долгоочекуваната вакцинација против коронавирус. Илјадници сомнителни несакани ефекти се појавија по вакцинирањето со АстраЗенека.
Бројот на смртни случаи по вакцинирањето се искачи на седум до саботата. Јужнокорејската агенција за контрола и превенција на болести започна истрага.
Повеќе од 296 000 луѓе примиле вакцина во првата недела или околу 0,6 проценти од вкупното население во земјата.
Јужна Кореја потврди повеќе од 2.800 случаи на несакани ефекти по вакцинирањето, но само во 24 случаи овие несакани ефекти се оценети како потешки и посериозни, пишува РТ. Оттогаш починаа седум лица.
Сите 24 случаи на сериозни несакани ефекти се поврзани со вакцината АстраЗенека, која исто така беше прва одобрена во Јужна Кореја.
Сеул се согласи да купи милиони дози на Фајзер, но нивната испорака не се очекува до април. Досега се користени околу 5.000 дози вакцина Фајзер во Јужна Кореја и немаше случаи на сериозни несакани ефекти.
Јужна Кореја досега бележи 92.000 случаи на инфекција со коронавирус на 52 милиони граѓани, а 1.632 лица починале од почетокот на епидемијата.