Јужна Кореја ќе изгради систем за противвоздушна одбрана, сличен на израелската „Железна купола“, за да се заштити од потенцијален напад од Северна Кореја, објави агенцијата Ронхап, повикувајќи се на службата за воени набавки на земјата.
Како што се наведува, министерот за одбрана Со Вук и комитетот за промоција на воени проекти го одобрија овој проект. Тој ќе чини околу 2,5 милијарди долари. Проектот ќе започне да се реализира во 2022 година, додека ќе заврши во 2035 година.
„Проектот предвидува добивање на систем за пресретнување со употреба на сопствени технологии, со цел да се зголемат можностите за спротивставување на заканите со артилерија со долг дострел од непријателот, со цел да се заштитат основните објекти, воената инфраструктура и безбедносната инфраструктура“, соопшти управата за воени набавки.
Министерството за одбрана на Републиката минатата година вети дека ќе создаде систем за противвоздушна одбрана. Северна Кореја распореди околу 1.000 артилериски парчиња долж линијата на раздвојување, вклучително и 240-милиметарски ракетни лансери. Покрај тоа, Северна Кореја неодамна демонстрираше нови видови на оружје, вклучително и ракети со краток дострел.