Кога човек патува, тој би сакал засекогаш да го зачува во умот секој момент, секое искуство, секој лик.
За жал, сепак, ние луѓето сѐ уште не сме го развиле целосниот капацитет од својот мозок и засега ваквите дејства се едноставно невозможни.
Години, а понекогаш дури и месеци по патувањето, ние веќе заборавиме многу од работите што се случиле таму. За среќа, фотографиите се одличен начин да се задржат спомените живи во нас.
Затоа кадрите од патувањата се толку вредни – на нив се запечатенини омилени места, емоции и слики.
Во последно време сѐ повеќе луѓе го користат Instagram како место каде ги “складираат” најпосакувана фотографии од своето патување или одмор.
Како во секоја социјална мрежа и таму сите сакаат да бидат оригинални и да воодушеват со некоја извонредна слика.
Ако сакате да дознаете на кој начин може да правите одлични кадри, без да сте професионални фотографи, тогаш во нашите совети подолу, ќе ги најдете потребните информации заедно со фотографии.
Користете дополнителни филтри 
Постојат многу мобилни апликации за обработка на слики, кои ќе ви помогнат да направите идеален кадар. Не е потребно да се потпирате само на филтрите кои ги нуди Instagram. Пробајте и апликации како PS Express и Snapseed.
Одберете го фокусот
Повеќето паметни телефони имаат опција да го допрете екранот, за да се фокусирате на одреден објект. Овој потфат е одличен, кога се обидуваме да ја зголемиме “длабочината” на сликата. Колку поблиску сте до објектот, толку поголема длабочина ќе добиете.Ова создава неверојатна матна позадина.
Светлината е клучот
Секогаш кога е можно, снимајте во раните утрински часови или раната вечер, кога светлината е “помека”.
“Игра” со елементите на природата
Облаци, птици и сончеви зраци – елементи кои обично излегуваат добро на фотографија. Дождот исто така не е ваш непријател. Следниот пат може да ги користите часовите по дождот и да експериментирате со баричките. Вашиот одраз може да биде вистинска ризница од едно патување!
Времето е сè
Ако сте доволно брзи и се разбира, имате среќа, ќе снимите нешто навистина уникатно, додека сте во друга држава.
Замислете ги работите појасно
За да се прикаже големината на она што го фотографирате, може да се вклучи во рамката нешто што ќе даде јасна идеја на другите. На пример, да ја “држите” во раката Емпајр Стејт билдинг.
Не заборавајте да го чистите објективот
Без разлика, дека користите паметен телефон, наместо фотоапарат – објективот треба да биде исчистен. На овој начин ќе се обезбеди јасност и острина на фотографијата, сликите и боите.
Направете хоризонтална слика
На овој начин ќе опфатите поголем дел од пејзажот што сакате да го зачувате. Потоа во Instagram ќе се исече она што е поважно и што повеќе сакате да се прикаже.