Пред 20 години, спортските автомобили можеа да се пофалат со тркала од 15 инчи, додека денес дури и семејните автомобили се возат на тркала од 20 инчи.
Порше открива дали овој тренд е оправдан. Рецензија се правеше на Porsche 911 со гуми „Michelin“ со различни дијаметри. Пневматиците Pilot Sport 4S NAO беа специјално развиени за 911.
Тие тестираа две опции: помали предни тркала со дијаметар од 19 инчи и задни тркала од 20 инчи и поголема комбинација од 20 инчи предни и 21 инчи задни.
Очекувано, нема значителни разлики во секојдневното возење, се разбира, со исклучок на естетското задоволство. На сува површина и двете овозможија забавување од 100 km/h до 5 km/h за нешто повеќе од 33 метри. Истата приказна е и на влажно, каде што растојанието за сопирање од 80 до 5 km/h беше нешто повеќе од 33,6 метри.
Меѓутоа, на тркачката патека приказната е сосема поинаква. На влажни подлоги, помалиот сет на гуми беше повеќе склон кон преуправување, што се покажа и во тајмингот. 911 со поголемите гуми ја помина тест патеката седум десетинки побрзо.
Уште поголема разлика е постигната на сува површина. 911 со помали гуми патеката ја помина за 71,53 секунди, а со поголеми гуми за само 70,43 секунди.
Разликата е очигледна, но само во спортското возење. На крајот, на купувачот му останува да одлучи дали ќе ги купи поскапите поголеми гуми или ќе се придржува до стандардната понуда.