Гордон Ремзи, светски познатиот готвач, чие богатство според Форбс се проценува на околу 260 милиони долари, одамна одлучил да не им ги остава парите на своите деца, но затоа ги учи како да штедат од рана возраст.
Ремзи јавно проговори дека ги принудува своите деца да бидат мудри со пари, пренесува Business Insider.
Во интервјуто за The Last Meals, кое првпат го доби People, славниот готвач откри дека ги охрабрува своите деца да заштедат пари удвојувајќи ги нивните заштеди на Божиќ.
„Секој месец добиваа додаток, неколку стотици долари, и што и да заштедат во текот на 12 месеци, јас им ја давам истата сума за Божиќ“, му рекол Ремзи на водителот Џош Шерер.
Тој додаде дека тоа е начин неговите деца да размислуваат за пари и да ги трошат смислено.
„Така треба да размислуваат за пари во текот на целата година и да го заштедат секој долар. „Кога ќе ја започнете таа практика, кога ќе имаат околу 10, 11, 12, 13 години и кога ќе почнат да ја вршат својата прва работа, одеднаш нивните умови се фокусирани на нивните идни кариери“, рече тој.
57-годишникот тогаш изјави дека ги воспитувал своите деца „спротивно“ на начинот на кој тој самиот растел.
„Тие се супер дисциплинирани“, додаде тој.
Ремзи изјавил и дека ги потсетува своите деца да не го земаат здраво за готово луксузот што го имаат.
„Кога почнавме да патуваме прва или бизнис класа, им реков: „Ако мислите дека плаќаме 10.000 долари за билет за бизнис класа затоа што сте Ремзи, грешите“, објасни тој.
Ремзи има шест деца со сопругата Тана. Меган, близнаците Холи и Џек и Матилда се во дваесеттите години. Оскар има четири години, а Џеси е роден во ноември.
Ова не е првпат славниот готвач да зборува за воспитувањето на своите деца да ја ценат вредноста на парите.
Во интервју за „Телеграф“ во април 2017 година, Ремзи рече дека не планира да го остави своето богатство на своите деца во тестамент.
„Тие пари дефинитивно нема да останат кај нив и тоа не е лошо од моја страна. Ова го правам за да не ги расипам. Единственото нешто што се договорив со Тана е да добијат депозит од 25 проценти на станот, но не и целиот стан“, изјави Ремзи за британски Телеграф.