Intel се уште се најголемите производители на процесори во индустријата, но тие исто така инвестираат многу пари во многу други технологии. Компанијата гледа одлична иднина во иновациите како што се виртуелната реалност, вештачката интелигенција, автономните-возила и 5G мрежите. Во исто време, Intel финансира и учествува во многу проекти за целосно да го промени начинот на кој гледаме мултимедија, а особено спортски настани. Нивната идеја е да се користи модерна технологија за да се стави секој фан во улога на самите играчи.
За да го постигнат овој ефект, инженерите на Intel ја развија уникатната технологија True View, за да го снимат секое дејство на теренот од сите можни агли. Фановите ќе имаат повеќе можности за да комуницираат со богати медиумски содржини, како што се гледање на повторување во 360 степени. Intel има доста амбициозни планови за популаризација на технологијата и наскоро ќе го користи на стадиони на три од најпопуларните англиски фудбалски клубови, објави „Енгаџет“.
Се работи за Арсенал и Ливерпул, заедно со актуелниот шампион – Манчестер Сити. Intel ќе ги опреми нивните стадиони со потребната опрема до крајот на месецот. Навивачите на трите тима ќе можат да се уверат сами во можностите на самата иновација од 10 март, кога True View репортажи ќе се емитуваат во мрежата на медиумските партнери на Премиер лигата. Тимовите ќе можат да испраќаат дополнителна мултимедија на социјалните мрежи неколку часа по натпреварите.