Во пресрет на новото рочиште за случајот „Меѓународен сојуз“, во судница од затворот „Шутка“ каде е во притвор, беше спроведен бизнисменот Орце Камчев кој треба да сведочи.
Според најавите од претходното рочиште, покрај Камчев денес во судница ќе сведочи и Агапи Дика.
За потсетување, во овој случај се обвинети Бојан Јовановски, поранешната пратеничка од редовите на СДСМ, Фросина Ременски, Миле Јовановски, (таткото на прво обвинетиот) и Јасна Мандиќ Ерцеговиќ.
Јовановски е обвинет за „измама и перење пари“. Ременски е обвинета за „помагање во делото измама“, Мандиќ за „помагање во измамата и перењето пари“, Миле Јовановски се терети за „помагање во перењето пари“ и за „неовластено изработување, држење, посредување и тргување со оружје“. Како правно лице обвинета е и невладината организација „Меѓународен сојуз“.