Во текот на изминатите десетина денови се интензивираше чистењето на Преспа во рамките на кампањата,, Чиста Преспа, Моја Преспа”.
Од 14-ти јуни започнаа поголеми зафати со тешка механизација за чистење и уредување.
Вработените од специјализираната болница за превенција, лекување и рехабилитација- Отешево, спроведоа акција на чистење во дворот на болницата. Во исто време во Општина Ресен, ренџерите и активистите на здружението Еко- герила Преспа, го исчистија дворот на Мониторинг станицата во Стење.
Ден потоа, се случи и големата еколошка акција за уредување на плажата во Стење, а беше исчистена и депонијата во Коњско.
На 22-ри јуни, младите од село Наколец покажаа како се сака своето место на живеење. Беше исчистена плажата и просторот за спорт и рекреација.
Ренџерската служба на 23ти јуни ја исчисти патеката од Претор до Сливница.
Најмасовната акција се случи ден потоа. Бизнис заедницата, граѓански здруженија, спортски клубови, вработени во јавниот сектор, ЈКП Пролетер, волонтери и граѓани го исчистија и уредија амфитеатарот и спортско рекреативниот центар пред СОУ Цар Самоил во Ресен.
Во текот на утрешниот ден предвидено е чистење на плажата Черти Камен во Отешево, а потоа следува и настанот Meet Prespa, каде сите присутни ќе уживаат во традиционалната храна и во музиката на артисти од три земји. Positive cuts од Албанија, Saso Resyd и Uzun Baba од Македонија и Thomas Nyman од Грција.
Кампањата,, Чиста Преспа, Моја Преспа”, започна на 5-ти јуни и во неа се вклучени голем број јавни личности кои преку своите лични пораки заедно со секојдневните акции, има за цел за краток период, да им ја остави нашата Преспа, чиста на идните генерации.