Канје Вест би сакал да си го смени името

Веќе одамна е познато дека Канје Вест има амбиции да се кандидира за претседателските избори во САД во 2024 година, но има и уште побизарни планови за себе.

Тој на Фестивалот за иновации во организација на „Фаст компани“, изјави дека во блиска иднина може да го промени своето име и да се вика Христијански Гениј Милијардер Канје Вест (Christian Genious Billionaire).

Публиката не го сфатила сериозно и реагирала со смеење, мислејќи дека раперот кажува некаква шега. Но, тоа што тој останал запрепастен од нивната реакција, зборува дека речиси е сериозен во својата намера.