Капсулата „Cygnus“ слета на МВС со скоро четири тони товар

Ракетата „Antares“ што ја носеше комерцијалната товарна капсула „Cygnus“ успешно достави речиси 4.000 килограми товар до Меѓународната вселенска станица (МВС).

Товарот вклучува храна, опрема за истражување и резервни делови, пренесе Хина, повикувајќи се на ДПА.

Товарната капсула без екипаж, развиена и управувана од американската компанија Northrop Gruman, пристигна во четвртокот на МВС, објави НАСА.

„Cygnus“ беше лансиран од вселенско пристаниште во американската сојузна држава Вирџинија во вторникот и ќе остане на пристаништето на МВС до ноември.