Заедничкиот став на Консултативниот совет за национална безбедност за Северна Македонија не е изненадувачки. Да не се лажеме КСНБ имаше различни тези. Некои од партиите силно ја бранеа тезата дека немаме став за Македонија и дека цврсто се држиме до она што го препорачуваат некои надворешни фактори. Главната заслуга за сегашната позиција е главно на претседателот Радев и на некои партии БСП и ИТН. Тоа се партиите кои се задржаа на ова и имаат цврст и јасен став, изјавил поранешниот бугарски вицепремиер и лидер на ВМРО-БНД Красимир Каракачанов.
Според него, премиерoт Кирил Петков веднаш по изборите изјавил дека треба да имаат порелаксирана позиција кон Македонија.
„Вистинските зборови беа: „Треба да го промениме нашиот пристап и да ги ставиме на прв план економските заеднички интереси, а не споровите околу историјата. Засега е донесена правилна и разумна одлука. Така се пристапува кон националните прашања“, рече Каракачанов.
Според него, во Бугарија секогаш некој се оправдува со нешто и не се осмелува – ниту поради некомпетентност, ниту поради неписменост, за да заземе јасен и цврст став за спорот со Македонија.
„Отсекогаш имало притисок врз една или друга земја на Балканот да ја води политиката на некоја од големите сили. И сега имаше притисок, но не можам да кажам дека беше притисок „или -или“. Ако една или друга голема сила види дека земја како Бугарија има колеблива позиција, доаѓа до оправдувања. Во претходната власт се оправдуваа со нас дека ВМРО е виновна што не ја пуштила Северна Македонија во ЕУ“, нагласи лидерот на ВМРО-БНД.