Американскиот кошаркар Стивен Кари речиси универзално важи за најдобриот шутер во историјата на играта, а неговата кариера во Голден Стејт, која трае од 2009 година, е повеќе од успешна. Во изјава за американските медиуми, 34-годишниот играч откри дека не сака да ги напушти „воините“ до крајот на кариерата.
Кари беше избран од Голден Стејт во 2009 година како седми пик на драфтот во НБА по тригодишна кариера на Универзитетот Дејвидсон.
„Искрено, никогаш не би сакал да го напуштам Голден Стејт. Сакам ова да биде мојот единствен дом. Ова е местото каде што би сакал да бидам кога ќе заврши мојата играчка кариера. Тука пуштив „длабоки корени“. Секогаш ќе го нарекувам овој град мој дом“, изјави Кари за NBC Sports.
Во својата кариера досега, Кари беше четирикратен шампион во НБА, двапати МВП во лигата, еднаш МВП на финалето, осумкратен Ол-стар и четирикратен член на идеалната петорка на НБА. Со репрезентацијата на САД беше светски првак во 2010 и 2014 година.
Ниту еден играч во историјата на Вориорс не одиграл повеќе натпревари, постигнал повеќе поени и забележал повеќе асистенции и украдени топки од Кари.
Бек шутерот погоди најмногу тројки во историјата на НБА, а минатиот декември го престигна Реј Ален на врвот на таа вечна листа.