Катарската група инвеститори предводена од шеикот Јасим Бин Хамад Џ.Џ. Ал Тани се повеќе е убедена дека победила во конкуренцијата за купување на англискиот фудбалски клуб Манчестер Јунајтед, со што ја фрла во сомнеж понудата на британскиот милијардер Џим Ретклиф, бидејќи продажбата влегува во клучните летни месеци.
Трансакцијата е зафатена со одложувања, откако понудите не ги исполнуваат очекувањата на семејството Глејзер, кое го продава клубот, поделби меѓу сопствениците околу тоа дали да го продадат и страв од судски спор од малцинските акционери, велат луѓе запознаени со ова прашање.
Позитивни сигнали и доверба во победата доаѓаат од внатре во катарските кругови, прашање на време е кога ќе биде официјално објавено.
Сепак, официјалниот процес на продажба влегува во својот осми месец, а Глејзерс би можеле да донесат одлука во последен момент да го задржат англискиот премиерлигаш и да прифатат средства од надворешен инвеститор за реновирање на дотраениот стадион и тренинг објектите, велат луѓе, кои не сакаа да бидат идентификувани заради доверливи информации.
Портпаролите на катарската групација и Манчестер Јунајтед одбија да ја коментираат оваа информација. Претставникот на Rain Group, банката со седиште во Њујорк која ги советува сопствениците на Манчестер Јунајтед, не одговори на барањето за коментар.
Акциите на Јунајтед поскапеа за дури 8,3 отсто во средата во Њујорк и за околу 90 отсто откако Глејзерс ја доставија понудата.
Продажбата на Манчестер Јунајтед успеа да анимира големи богати групи од Волстрит, со цел да биде сопственик на еден од најпознатите спортски брендови во светот. Ретклиф понуди финансирање од банки, вклучително и Goldman Sachs Group Inc., додека JPMorgan Chase & Co., Rothschild & Co. и Bank of America Corp. се меѓу другите банки кои советуваат или нудат деловен капитал.