Тибо Куртоа утрово во солзи го напушти тренингот на Реал Мадрид, а на многумина не им беше јасно за што се работи, а потоа стигнаа срцепарателни информации за белгискиот голман, кој сезонава не одигра ниту една минута поради повреда.
Куртоа минатата година заработи тешка повреда на коленото кога ги скина вкрстените лигаменти, па поради ова искусниот голман нема ниту еден настап за кралскиот клуб во досегашниот тек од сезоната.
Сепак, Белгиецот почна со лесни тренинзи на почетокот на оваа година, а набрзо потоа се приклучи на остатокот од тимот на Реал Мадрид. Сепак, кралскиот клуб не сакаше да брза со неговото враќање на теренот, што се очекуваше по репрезентативната пауза, но за жал тоа нема да се случи.
Шпанските медиуми пишуваат дека на тренинг утрово се случила вистинска катастрофа и дека Куртоа во солзи го напуштил теренот. На почетокот не беше јасно што се случува, а Реал Мадрид не се огласуваше, но сега пристигна информација која ги разочара навивачите на овој клуб.
Имено, Куртоа утрово повторно се повреди и сега му е оштетено другото колено. Станува збор за повреда на менискусот и се чини дека оваа сезона Белгиецот најверојатно воопшто нема да го види теренот.
Според првите информации, повредата за среќа не е толку сериозна како што беше ова лето, но на Куртоа ќе му требаат околу два месеци да се опорави, што значи дека оваа сезона за него веројатно е завршена кога е во прашање Реал Мадрид.
Сепак, она што сега е најлошо за Куртоа е што е загрозено и неговото учество на Европското првенство кое летово го игра во Германија.