Европскиот парламент (ЕП) поднесе тужба против Европската комисија (ЕК) поради механизмот за владеење на правото.
По барање на претседателот на ЕП, Давид Сасоли, правната служба на Собранието денеска во Судот на правдата поднесе тужба против Европската комисија поради неуспехот да се спроведе Регулативата за условување, пишува на веб-страницата на Парламентот.
Регулативата, усвоена во декември минатата година, ѝ дозволува на ЕУ да ги суспендира плаќањата од буџетот на ЕУ за земјите-членки каде владеењето на правото е загрозено. Сепак, Комисијата досега се воздржуваше од негово користење. Собраниската Комисија за правни прашања затоа препорача да се преземат законски мерки.
The @Europarl_EN's legal service just submitted the lawsuit against the European Commission for failure to apply the rule of law mechanism to the Court of Justice.
We now expect the @EU_Commission to act. Words have to be turned into deeds. https://t.co/FiCFnKQRhE
— David Sassoli (@EP_President) October 29, 2021
„Како што беше побарано во собраниските резолуции, нашата правна служба денеска поднесе тужба против Европската комисија за непримена на Уредбата за условување на Судот на правдата. Очекуваме Европската комисија да дејствува на доследен начин и да го исполни она што го рече претседателот Фон дер Лајен за време на нашата последна пленарна дискусија на оваа тема. Зборовите мора да се претворат во дела“, рече претседателот Сасоли.