97
Кога Казуо Хираи ја презеде функцијата главен извршен директор на Сони во 2012 година, тој ја презентираше својата визија за компанија – реорганизирање на раздвоениот бизнис во „Уан Сони“. Но, токму пред една година, Хираи одлучи дека е подобро да го продаде брендот компјутери Вајо.
Оваа година тој продолжува да го растура Сони на парчиња, најавувајќи дека ќе го одвои аудио и видео бизнисот на Сони во нова подружница. Целта е Сони да почне да заработува по речиси една деценија на загуби. Хираи верува дека тоа може да се постигне преку рационализација на бизнисот на компанијата. Оваа мерка ќе овозможи фокусирање врз зголемувањето на најпрофитабилните дивизии, имено ПлејСтејшн и бизнисот со сензори за камери (компонентите широко користени во уреди како ајФон).
Што се однесува до смартфон делот на Сони, Хираи изјави пред инвеститорите дека или ќе го одвои и овој бизнис, или ќе го продаде. Тој исто така вели дека медиумите ќе бидат еден од трите најголеми приоритети на компанијата, заедно со играчките конзоли и сензорите за камерите. Телевизорите и смартфоните ќе останат пониско приоритетни. Хираи верува дека овие драстични промени ќе помогнат на компанијата да достигне профит до крајот на 2018 година.